Kryetari i Partisë Demokratike, Lulzim Basha tha se PS-ja po fsheh lidhjet e Olsi Ramës me trafikun e drogës. Pas mbledhjes së në PD, Basha në një deklaratë për median deklaroi se Rama po përpiqet që të shpëtojë nga arrestimi Agronin (vëllai i Fatmir Xhafës), Qazim Sejdinin dhe Vangjush Dakon.
Kryetari i PD-së deklaroi gjithashtu se ditën e enjte në Kuvend forca e tij politike di të kërkojë lirimin e Arta Markut dhe të fillojë menjëherë procedura për shkarkimin e saj dhe për përzgjedhjen e Prokurorit të përgjithshëm. Basha shtoi gjithashtu se duke kapur prokurorinë Rama po mbron vëllain e vet Olsi Ramën që është i lidhur me drogën.
Gjithashtu Basha tha se në Kuvend këtë të enjte do të sjellin fytyrat dhe gjendjen në të cilën ndodhen të gjithë ata që janë larguar nga ndihma ekonomike.
“Rama ka ardhur në pushtet me paratë e drogës, dhe po përpiqet si të shpëtohet Saimir Tahiri nga hetimi. Si të sigurohet mos arrestimi, i Agronit, Qazimit dhe Dakos. Dita e enjte do te jetë një ditë e veçantë, sepse do të sjellim në sallën e parlamentit fytyrat dhe gjendjen në të cilën ndodhen të gjithë ata që janë larguar nga ndihma ekonomike. Ne si pozitë kemi premtuar së do të jemi krah këtyre. Çështja e dytë lidhet me prokurorin e përgjithshëm që të zgjidhet një prokuror legjitim. Treguesit janë që Edi Rama do të votojë kundër, sepse Rama kërkon që të mbrojë Olsi Ramën, Agron Xhafën dhe të tjerë trafikantë droge. Partia Socialiste po fsheh lidhjet e Olsi Ramë me trafikun e drogës. Askush nuk do të na ndalë nga kjo betejë jetike për tu dhënë shqiptarëve shpresën. Gjithë kjo që po behët është për të hequr vëmendjen nga droga në Maminas dhe lirimi i Saimir Tahirit. Kemi të dhëna jashtëzakonisht shqetësuese Kjo është dhe java kur Partia Demokratike intensifikon përpjekjet që çdo demokrat ka mundësi të zgjidhë dhe të zgjidhet,” deklaroi Basha.
