Lajmi se në Shqipëri po përhapet malaria, ka ditë që po qarkullon në media shqiptare. Kjo ka të bëjë me rastin e dy vajzave të ardhura nga Kamboxhia dhe që u paraqitën në QSUT me simptomat e malaries. Për të shpjeguar gjendjen e vajzave të shtruara në spitalin Infektiv ka folur doktoresha Entela Kolovani e cila ka thënë se:
“Gjendja e vajzave paraqitet relativisht e mirë, problemet që kaluan në Kamboxhia u japin lodhje trupi”.
“Janë ende në spital dy vajzat që u diagnostikuan të prekura nga sëmundja e malaries. Gjatë ditës së mërkurë dhe të enjte kanë ardhur rreth 7 persona, por prej tyre vetëm 2 dolën të prekur nga sëmundja” shprehet doktoreshë Kolovani për Report TV.
Ndërsa profesor Dhimiter Kraja, shef i shërbimit Infektiv deklaroi se sëmundja ngjitëse nuk ishte shfaqur prej 3-4 vitesh në Shqipëri.
Si mund te merret malaria?
Sëmundje infektive që merret me anë të vektorëve të gjallë, si mushkonjat, është sëmundje vetëm e njeriut e merr nga gjaku që një mushkonjë ka pickuar një trup me malarie, e përpunon në trupin e saj dhe kur pickon një sëmurë të shëndoshë, ja transmeton. Nuk merret nga njeriu në njeri.
Cilat janë simptomat e sëmundjes së malaries?
Sëmundje me ethe, karakteristika numër një, preket mëlçia, shpretka. Ka edhe forma të tjera më të rënda të sëmundjes, si forma cerebrale e trurit, e cila ka një përfundim fatal
Sa kohë ka që nuk është shfaqur në Shqipëri?
Arritje e mjekësisë në zhdukjen e malaries, importim bëhet nga vende të ndryshme, bën qe të vijnë nga vendet ku ka malarie. Para 4 vitesh një grup shqiptarësh që punonin në Guine, kishin simptoma malaries.
Si trajtohen pacientët me malarie?
Protokoll pune special, duhet të funksionojnë të gjitha hallkat dhe marrjen e masave për koordinimin e punës, të spitalizohet, diagnostikohen dhe te fillojnë trajtimin anti-malarie, shtimi lëngjeve, elektroliteve, transfuzion gjaku. Kemi vende të veçanta për malarie në rast se rëndohet situata.
Koordinim me rrethet për malarien, kolegët janë të instruktuar për të bërë diagnozat e duhura. Janë kushtet të nivelit kualitativ për të bërë një shërbim cilësor.
Praktikisht siç informuan mjekët situata është nën kontroll, duhet të kemi parasysh shenjat, sidomos në rastet ku udhëtojmë në vendet e rrezikuara nga malaria.
Duhet vëmendje e madhe në rast se kanë simptoma ethe dhe diarre të zgjatura për disa ditë.
Sëmundja nuk është e transmetueshme nga njeriu në njeri por nëpërmjet vektorëve siç janë mushkonjat.
