Kryetari i Partisë Demokratike, Luzim Basha ka deklaruar se Partia Demokratike ndodhet në një proces reflektimi.
Teksa ka folur në “Opinion” në Tv Klan, ai deklaroi se brenda PD-së po punohet që të gjithë të kenë mundësinë të japin mendimet dhe të kontribuojnë në ide për rritjen e saj. Basha ka folur edhe për qëndrimin e Arben Imamit, i cili nuk pranoi të jetë pjesë e grupit të punës proaktiv të ngritur nga PD-ja.
Ai tha se ky pozicionim nuk ndihmon partinë, por shprehet totalisht i mirëkuptueshëm përballë qëndrimit të tij. Duket se Basha e ka marrë me vrull të madh faktin se pasi të ringrihet Partia Demokratike do t’i vijë radha edhe Shqipërisë.
Deklarata e Bashës
“PD është në një pozicion të vështirë , pasi doli nga disa zgjedhje të blera nga krimi dhe droga. Unë kam bërë dhe do të bëj çdo përpjekje, që gjithsecili të gjej veten aty brenda PD-së. Qëndrimi imi është i hapur, unë e kam krijuar mundësinë që të gjithë të japin mendimin dhe të kontribuojnë në ide dhe të ngrenë PD-në. Qëndrimi i Imamit nuk është se ndihmon PD-në, por unë e respektoj vendimin e PD-së. Transformojmë Partinë Demokratike dhe më pas do të transformojmë Shqipërinë. Unë kam fol me të gjithë brenda PD-së, por edhe me Berishën kam biseduar. Sot kemi patur një votim unanim nga kryesia.”-tha Basha.
