Sa vjen e rritet tensioni midis Greqisë dhe Turqisë. Pas një sërë incidentesh të ndodhura njëra pas tjetrës kanë bërë që marrëdhëniet midis dy vendeve të arrijnë pikat më të dobëta.
Goditja e anijes, arrestimi i ushtarakëve grek dhe djegia e flamurit turk në një protestë të mbajtur në Athinë, kanë qenë disa nga shkënditë midis dy vendeve.
Sigurisht që nuk kanë munguar dhe deklaratat në distancë, ku akuzojnë njëra-tjetrën për tensionet e krijuar. Në një deklaratë Ministria e Punëve të Jashtme e Turqisë i ka kërkuar presidentit grek, Pavlopulos që të respektojnë të drejtat ndërkombëtare dhe kufijtë e Turqisë.
Ndërkohë që kryeministri i Greqisë, Tsipras i ka kërkuar ndihmë ndërkombëtarëve që të ndërhyjnë, ai ka kontaktuar me komisioneren Mogherini dhe sekretarin e OKB dhe kjo çështje do të jetë temë qendrore në samitin e lartë.
I ashpër ka qenë qëndrimi i diplomacisë turke për djegien e flamurit në Athinë, ku kanë kërkuar nga autoritetet greke marrjen e masave dhe ndëshkimin e kësaj ngjarje negative.
Turqia ka dënuar ashpër djegien e flamurit turk gjatë një proteste të mbajtur në kryeqytetin e Greqisë, Athinë, transmeton Anadolu Agency (AA).
Në një deklaratë me shkrim nga Ministria e Jashtme e Turqisë thuhet: “Dënojmë djegien e flamurit tonë gjatë një proteste të mbajtur më 5 mars në Athinë kundër vendit tonë nga një parti raciste në Greqi”.
“Ne presim nga autoritetet greke që të kapen sa më shpejtë dhe të nxirren para drejtësisë autorët që kanë kryer këtë veprim të urryer kundër flamurit tonë”, thuhet në deklaratën e MPJ së Turqisë. TIRANA TODAY
