Filozofi i njohur shqiptarë ka bërë një deklaratë bombë në lidhje me origjinën e Messit. Përparim Kabo, i njohur edhe për njohuritë e tij të shumta në sport dhe dashurinë që ka për të, ka bërë një deklaratë të padëgjuar më parë në opinion sportiv.
I ftuar në “Proçesin Sportiv” Kabo ka deklaruar se nuk duhet të na duket çudi nëse Messi del me prejardhje shqiptare. Në momentin ku diskutimi u shtri në kampionatet europiane dhe pikërisht në momentin e mirë që po kalon Lionel Messi, Kabo ka marrë fjalën dhe tha se një nga albanologët më të njohur në botë ka thënë se mbiemri Messi është mbiemër shqiptar.
“Milan Shuflaj, një nga albanologët më të njohur në botë, ka thënë që mbiemri Messi është mbiemër shqiptar. Messi vetë e ka pranuar që është me origjinë nga kalabrezët e Italisë. Prandaj nuk është çudi”, ka thënë Kabo, duke habitur opinion sportiv jo pak me deklaratën e tij.
