Greqi/Kapet banda e drogës, në pranga tre “bosët” shqiptarë

Policia greke ka mundur të shkatërrojë një bandë të trafikut të kokainës. Policia ka arrestuar 3 shqiptarë dhe një grek. Sipas informacioneve të para, shqiptarët e arrestuar janë të moshës 24, 33, 36 vjeç dhe greku 61, vjeç.Policia ka zbuluar një automjet që ishte i përshtatur me vend për transport droge në sediljet e shoferit dhe pasagjerit. Policia ka  sekuestruar 3 kg 902 gram kokainë dhe 64 gram hashash. Autoritetet fqinje e vijuan kontrollin në banesat e të arrestuarve, ndërsa ende nuk bëhet i ditur identiteti i të arrestuarve.Brenda në një kompjuter dhe në dollapët e tyre u gjetën 144 mijë e 530 euro. Gjithashtu  në cilësinë e provës materiale u sekuestruan 4 makina, 2 motorë, 2 peshore elektronike, 10 celularë. Banda e drogës arrinte të dërgonte drogë edhe në ishujt e Greqisë duke përdoruar  edhe postën greke. TIRANA TODAY