Disa operacione janë ndërmarrë nga policia greke për të parandaluar hyrjen, qëndrimin dhe punësimin e emigrantëve të paligjshëm në vend.
Nga operacioni i autoriteteve greke, vetëm në orët e fundit janë arrestuar 11 shtetas shqiptarë dhe personi që kishte marrë përsipër futjen e tyre në territorin grek.
Në afërsi me kufirin shqiptarë, një patrullë e policisë greke ka ndaluar një furgon, në brendësi të cilit ndodheshin 6 shtetas pa dokumente.
Policia nuk ka mundur të arrestoi drejtuesin e mjetit, një shtetas grek, i cili braktisi furgonin dhe u largua, ndërkohë që është shpallur person në kërkim.
Ndërsa operacioni i dytë u bë në rrugën Janinë-Kozani, në afërsi të pikës kufitare Kakavijë, ku u ndalua një shqiptarë që po transportonte për në territorin grek 5 shtetas shqiptarë, të gjithë këto pa dokumente.
Sipas policisë greke 37-vjeçari shqiptarë kishte rënë dakord për t’i futur ata në Greqi kundrejt një pagese.
