Deputeti i Vetëvendosjes nuk është kruesyer aspak me kryeministrin Ramush Haradinaj ditën e sotme, teksa e akuzoi për vjedhje.
Duke iu referuar veprimit të shumëkomentuar të Haradinajt, i cili i rriti pagën vetes, Kurti e ka quajtur atë hajdut gjatë seancës së sotme.
“Kosova është vend i vogël me qeveri të madhe. Sikur kjo të mos mjaftonte, kjo qeveri e madhe ia dyfishoi pagën vetvetes. Për t’ua arsyetuar dy javë, më vonë ua rriti pagën edhe punëtorëve të sektorit publik dhe skemën sociale. Shumica e njerëzve besojnë që motivimi është rroga”, tha Kurti.
Deputeti e cilëson këtë vendim si vjedhje teksa tha se kjo qeveri nuk po bënë ekonomi, por vetëm financa.
“Të ja rrisësh pagën vetës, është hajni dhe vjedhje. Edhe me këtë qeveri ne nuk bëjmë ekonomi por vetëm financa. Kjo qeveri i rrit pagat pavarësisht rritjes ekonomike dhe atë vetëm vetvetes”, tha Kurti.
