Duket se kryeqyteti nuk do i gëzohet më dëborës. Sipas parashikimit të motit, rezulton se dita e sotme vijon me kthjellime të shkurtra e vranësira të shpeshta deri në mesditë kur vranësirat shtohen në të gjithë vendin duke sjellë shira në pjesën më të madhe të vendit.
Ndërkohë, reshje dëbore do të ketë në zonat malore në Veri dhe Verilindje. Gjatë natës, reshjet pakësohen, por shtrihen thuajse në të gjithë vendin.
Sipas MeteoAlb, temperaturat e ajrit ulen sërish lehtë në mëngjes, por rritje me 3-4°C sjellin orët e mesditës duke ndihmuar në shkrirjen e ngricave.
Era do fryjë mesatare deri e fortë në mbrëmje, me shpejtësi 70 km/h nga drejtimi Jugor, ndërsa në det dallgëzimi ngjitet 5- 6 ballë.
