Gazetari Alban Musa ka shpërthyer në një postim ndaj Top Channel, televizion ku dikur ai drejtonte emisionin “Në shtëpinë tonë” me Anjeza Majën.
Ai u zëvendësua nga Florina Agalliu, ndërsa menjëherë e pamë në një tjetër emision, pikërisht “Rreze Dielli” në Report TV.
Largimi i tij nga Top Channel u tha se ishte bërë pas asnjë hatërmbetje me drejtuesit e televizionit, por thjesht për shkak të një mbyllje kontrate.
Por mesa duket gjërat nuk paskan vazhduar të jenë si më parë, sepse sipas një statusi që ka bërë në “Facebook” Alban Musa, ky i fundit është ftuar në një emision në “Top Channel” dhe më vonë i është anuluar ftesa. Kjo gjë ka revoltuar gazetarin, i cili shkruan në një postim në Facebook:
“Sot mora vesh që qenkam shpallur person “non grata” nga TCH, sepse jam konkurrent direkt me një nga programet e tyre. Se këta edhe të ftojnë në emisionet e tyre dhe ti për respekt të prezantuesit dhe jo dëshirës me thënë të drejtën, pranon, organizon ditën dhe pak orë para zhvillimit të emisionit, detyrojnë gazetarët të të anulojnë ftesën. Gjithsesi të dashur, unë nuk jam më konkurrent, jam fitues, dhe këtë e thotë publiku. Ju vazhdoni vegjetoni!”.
Mendohet se Musa mund të ishte i ftuar në emisionin e djeshëm të “Top Shoë”, ku të ftuarit folën për menutë nëpër kopshtet publike të Tiranës.
