“E dija që nga fillimi që e kishte vrarë ai, ma thoshte zemra që nga momenti i parë kur ajo u zhduk. Ai e kishte kërcënuar me vdekje”. Kështu tregon mbesa e shqiptares vrarë nga pensionisti italian, i cili pasi e qëlloi për vdekje me armë, e hodhi në lumin “PO” që të humbiste gjurmët, raporton laprovinciapavese.gelocal.it. 
Ngjarja e rëmdë ka ndodhue më 30 maj 2016, dhe i pajetë i shqiptare është gjetur në lumin “Po”, në Isola Serafini, më 7 qershor të vitit 2016.
Mediat italiane sjellin rrëfimin e Enkeledës, mbesës së Lavdije Krujës, pasi vetëm të shtunën që lamë pas policia italiane ka pas hekurave autorin e krimit të rëndë. Policia ka vënë në pranga Franco Vignati, pensionist 64 vjeçar nga Pavia.
Ajo tregon se halla kishte pasur një raport me të, por së fundi ishin ndarë. Ai sipas saj, ishte një njeri i dhunshëm dhe pas ndarjes kishte filluar të bëhej agresiv, madje edhe e kishte kërcënuar.
Leda tregon se Lavdija ishte një grua shumë e fortë, e vendosur, shumë punëtore dhe kishte siguruara falë punës së saj një ekonomi të mirë.
“Ai burrë ishte shumë xheloz, e besoni, se nuk donte që Lavdija të shkonte e të punonte. Ajo punonte pastruese në një bankë dhe tek disa familje në zonë, të gjithë e donin dhe e respektonin, se ishte alegro, gjithmonë e qeshur dhe një njeri social e punëtor”- tregon ajo, duke shtuar se “xhelozia shkatërroi gjithçka”.
Lidhja mes tyre zgjati gati dy vjet dhe disa muaj para se ajo të vdiste, i kishte thënë atij se donte që historia mes tyre të mbyllej.
“Ai nuk ishte dakord, u bë i dhunshëm. Disa ditë para zhdukjes se saj gjetëm një letër në shtëpi me një shënim, “je një putanë bionde, shiko mirë se je në rrezik. Dukej fiks si shkrimi i tij, por nuk i kushtuam rëndësi”– thotë ajo, duke treguar bisedat e gjata që bënin bashkë në telefon, ku sipas saj, Lavdija i hapej dhe i tregonte se po vuante shumë. TIRANA TODAY
