Gjenden copëzat e avionit me 66 pasagjerë, që u rrëzua dje në Iran. Avioni është gjetur totalisht i shkatërruar, ndërsa dyshohet se nuk ka asnjë të mbijetuar.
Aksidenti ajror ndodhi dje, teksa fillimisht avioni u zhduk nga radarët, për t’u përplasur më pas me një zonë malore të Iranit qendror.
Avioni zbriti në malet Zagros pranë qytetit të Semirom në provincën Isfahan, ndërsa fluturonte midis Teheranit dhe qytetit jugperëndimor të Yasuj.
Avioni u zhduk nga radarët rreth 50 minuta pas nisjes, ndërsa dëshmitarët thanë për mediet lokale se avioni po përpiqej të bënte një ulje emergjente në një kullotë përpara se të përplasej në malin e Denes.
Dyshohet se shkak i aksidentit ka qenë moti i keq, ndërsa pas përplasjes një helikopter i urgjencës nuk ka mundur të ulët në zonën e aksidentit, për shkak të motit të keq.
