Deputeti i Lëvizjes Socialiste për Integrim, Endrit Braimllari ka denoncuar sot një tjetër rast flagrant, të emërimit të radhës nga ana e qeverisë Rama për militantët e saj.
Në një postim në Facebook, Braimllari ka publikuar disa foto, ku denoncon emërimin e Ledio Gjylës si drejtor të Bordit të Kullimit për qarqet Fier, Vlorë dhe Berat, person që sipas tij, ishte liruar më parë nga detyra për shkelje administrative.
“Ky është një Kryeministër që mashtron çdo ditë duke thënë se po reformon administratën publike”, shkruan ndër të tjera Braimllari.
Postimi i Braimllarit:
Kryeministri mashtrues emëron militant të Rilindjes.
Kryeministri ka emëruar Ledio Gjyla drejtor të Bordit të Kullimit për qarqet Fier, Vlorë dhe Berat, i liruar më parë nga detyra për shkelje administrative. Ky është një Kryeministër që mashtron çdo ditë duke thënë se po reformon administratën publike. I thotë shqiptarëve që nuk ka më emërime politike dhe çdo gjë bëhet me konkurs. Si ka mundësi që konkurset “fiktive” i fitojnë vetëm njerëzit e Rilindjes???!!!#kryeministrimashtrues.
