Strategjia e re e zgjerimit e nisur nga Komisioni Evropian ka për qëllim të sinjalizojë se anëtarësimi në BE është i mundur për Ballkanin Perëndimor, megjithëse pengesat që duhet të kalohen tingëllojnë shumë larg një ëndrre të tillë-shkruan Tirana Today.
Komisioni Evropian ka paraqitur strategjinë e re të zgjerimit për Ballkanin Perëndimor, duke ofruar një vlerësim real të problemeve që shpresat e anëtarësimit të rajonit të kenë baza logjike dhe të pranueshme.
“Në mënyrë të pashmangshme, strategjia e re ka theksuar qartë një ndarje të fituesve dhe humbësve në Ballkanin Perëndimor, me disa vende që njihen si në frontin e garës së anëtarësimit dhe të tjerëve që mbeten në mënyrë të qartë, me shanse të lëkundura për të ecur përpara. Ne analizojmë perspektivat e shpresuesve të ndryshëm të Ballkanit në më shumë detaje”-transmeton Balkan Insight.
Ndërkohë pavarësisht se Shqipëria nuk ka një dritë të qartë në rrugën evropiane, nga ana tjetër nuk kanë munguar edhe komentet politike të kryeministrit Rama, i cili është shprehur se tashmë Ballkani është shumë pranë Bashkimi Evropian. Strategjia dhe rruga për në vitin 2025 mbetet e pashpresë për shqiptarët, pasi më të avantazhuar janë dy shtetet si Mali i Zi dhe Serbia-shkruan Tirana Today.
Shteti i Kosovës dhe pjesërisht Bosnja, duket se janë shumë larg planeve konkrete për një strategji pune për anëtarësimin e tyre në BE. Sot, në një intervistë për Zërin e Amerikës, Kryeministrin Haradinaj the se BE nuk po bën siç duhet detyrat e saj, pasi këtë e dëshmojë me planet që prezantoi në Komisioni Evropian.
Përfaqësuesit e të dyja vendeve kanë mbajtur një qëndrim aspak pozitiv, pasi sipas tyre, logjika e përdorur për të hapur rrugën e integrimit, ngrihet mbi pengesa artificiale.Ndërsa strategjia e re e BE për Ballkanin i jep Serbisë dhe Malit të Zi arsyet për optimizëm në lidhje me anëtarësimin e tyre, katër vendet e tjera ndjehen të ftohtë-shkruan Tirana Today.
Serbia dhe Mali i Zi janë konsideruar si të avantazhuar në aspektin e anëtarësimit në BE në Ballkan , megjithëse një vështrim i përgjithshëm i çështjeve të të ashtuquajturës “Gjashtë vende të Ballkanit Perëndimor ” paraqet një perspektivë me nuanca të lëkundura.
“Ne jemi krenar që Serbia njihet si liderja . Kemi punuar shumë për këtë dhe do të duhet të punojmë edhe më shumë në javët, muajt dhe vitet përpara “, tha kryeministrja serbe, Ana Brnabiç, njoftoi RTS.
Kryeministri i Malit të Zi, Dushko Markoviç, ndërkohë tha se besonte që vendi i tij madje mund të bashkohej me BE përpara vitit 2025, të cilin Strategjia e BE-së vendos si vit me anë të të cilit Serbia dhe Mali i Zi mund të bëhen anëtare me të drejta të plota.
“Ky është një sinjal pozitiv që i dërgon një mesazh të qartë rajonit se perspektiva evropiane për Ballkanin Perëndimor është e besueshme dhe akoma ‘e gjallë’,” tha Markoviç. TIRANA TODAY
