Një person i shpallur në kërkim ndërkombëtar është vënë në pranga nga Policia e Kurbinit, me qëllim ekstradimin për llogari të Italisë. Sipas policisë, personi i arrestuar është dënuar për vjedhje me pasoja të rënda, ndërsa rezulton se është i dënuar në mungesë me 14.8 vite burg në Venecia.
Ai është dënuar dy herë në periudha të ndryshme për vjedhjet në Itali, ndërkohë bëhet fjalë se shtetasi shqiptar përdorte tre emra,Gentian Lisi, Gentian Gjonaj dhe Bledi Gjonaj), 40 vjeç, banues në Laç. Ai rezulton të jetë shpallur në kërkim ndërkombëtar me kërkesë të Interpol Roma, ndërsa tashmë ai do të ekstradohet drejt Italisë.
Njoftimi i policisë
Nga strukturat e Komisariatit të Policisë Kurbin në bazë të informacioneve të marra në rrugë operative u bë e mundur identifikimi , lokalizimi dhe arrestimi provizor me qëllim ekstradimin drejt Italisë të shtetasit Denis Prodani (i cili përdorte gjithashtu emrat Gentian Lisi, Gentian Gjonaj dhe Bledi Gjonaj), 40 vjeç, banues në Laç.
Ky shtetas rezulton i shpallur në kërkim ndërkombëtar nga Interpol Roma.
Autoritetet Gjyqësore Italiane kanë lëshuar me datë 04.07.2005 ndaj tij, masën e sigurisë “Arrest me burg”, kryerjen e veprave penale “Vjedhje me pasoja të rënda”, të parashikuar nga Kodi Penal Italian.
Gjithashtu nga Prokuroria e Përgjithshme Pranë Gjykatës së Apelit në Venecia, është nxjerrë urdhri i datës 15.11.2017 , ndaj shtetasit të lartpërmendur i cili ka për të kryer dënimin me 14 vjet, 8 muaj dhe 28 ditë burgim për veprat penale “ Vjedhje” dhe “Vjedhje e rënduar”. Materialet i kaluan Prokurorisë së Rrethit Gjyqësor Kurbin për veprime të mëtejshme.
