Pasditen e sotme në qytetin e Korçës është plagosur me thikë një person, i cili është dërguar menjëherë në spital. Policia raporton se 35-vjeçari, është konfliktuar me dy persona në lagjen 17 të qytetit, ku sherri është përshkallëzuar deri në nxjerrjen e thikave.
Aktualisht Z.M, po merr ndihmën e nevojshme mjekësore dhe ndodhet jashtë rrezikut për jetën.
Informacion paraprak nga policia
Më datë 01.02.2018 rreth orës 15:45, jemi njoftuar se në Spitalin e Korçës ka shkuar i plagosur me thikë shtetasi Z.M, 35 vjeç, banues në Korçë.
Nga të dhënat e para dyshohet se ky person është konfliktuar me dy persona të tjerë, në lagjen nr 17 në Korçë, të cilët ndodhen të shoqëruar në Komisariatin e Policisë Korçë.
Aktualisht Z.M, po merr ndihmën e nevojshme mjekësore dhe ndodhet jashtë rrezikut për jetën.
Grupi hetimor po punon për zbardhjen e rrethanave të ngjarjes.
