Portali grek paron.gr, në një shkrim të publikuar se fundmi ka thumbuar kryeministri Edi Rama, ku artikullin e titullon “Rama po punon edhe për ne…”.
Ky është një reagim provokativ, duke pasur parasysh valën e zhvillimeve të ngjarjeve të cilat kanë mbërthyer ditët e fundit mediat greke dhe ato shqiptare. Ka qenë një deklaratë e dhënë nga ministri i Jashtëm grek që ka “tërbuar’ rrjetin.
Ai ka theksuar se me homologun shqiptar nuk e ka diskutuar çështjen çame dhe se me Shqipërinë do të arrihet marrëveshja për zgjerimin e kufirit detar grek me 12 milje. Lidhur me këtë situatë, portali grek shkruan se si Edi Rama, një kritik i madh i Greqisë po punon për të përmirësuar marrëdhëniet me vendin fqinj.
“Hobi i preferuar i Ramës është tallja. Dhe kur gjen persona për të qeshur me ta, ai nuk ndalet. Rrëfimi i tij i fundit është se ai po punon për të përmirësuar marrëdhëniet greko-shqiptare. Kush; Po, Edi Rama …
Fillimi i gërmimeve për eshtrat e ushtarëve grekë të Luftës së Dytë Botërore në Shqipëri duket se ishte parakusht për të filluar ndonjë diskutim me Tiranën. Në fund të fundit, duket se Athina e pranoi këtë çështje madhore, simbolike dhe politike që të përfshihej në paketën e çështjeve që diskutuan dy ministrat e jashtëm Bushati dhe Kotzia, pas takimit të tyre tre-ditor në Korçë. Një herë nuk u dha asnjë informacion se çfarë u diskutua, dhe mund të themi se ishte si një takim mafioz, po të dy palët njoftuan dhe folën për “përparim në çështjet që po diskutojnë”, pa e ditur askush se për çfarë progresi po flasin.
Megjithatë, Edi Rama, disa orë përpara takimit të tij me Tsipra në Davos, për media ishte shprehur se do të zgjidhen çështjet serioze në marrëdhëniet dypalëshe, duke u shprehur se në pranverë mund të zgjidhen problemet me Greqinë …
Megjithatë, ne i shohim me kujdes të jashtëzakonshëm nxitimin për të mbyllur çështje të tilla, si me Shqipërinë dhe Shkupin, Shqipëri do të bëhet anëtare e BE-së, ndërsa Maqedonia të bashkohet me NATO-n.
Por, ne tashmë i kemi në dorë. Situata në të cilën ndodhet Tirana dhe Shkupi, i detyron ata që të mos lëshojnë kërkese dhe të mos i bëjnë dot ultimatume Greqisë”, shkruhet në artikull. TIRANA TODAY
