Ka ndërruar jetë Aldison Belulaj, i cili qëlloi për vdekje studenten e Juridikut dhe më pas qëlloi edhe veten.Prej ditësh fieraku mbahej në jetë përmes aparaturave, ndërsa ishte raportuar se gjendja e tij shëndetësore është tejet kritike.
Belulaj ka vrarë një javë më parë të ish-të dashurën e tij, Ariela Muratajn me 5 plumba. 23-vjeçari fierak mbahej në jetë me anë të aparaturave mjekësore, ndërkohë mjekët e kishin paralajmëruar se gjendja e tij është kritike, ndërsa kanë shpjeguar se edhe nëse do të jetonte, ai nuk do të shërohej, pasi dëmtimi në pjesën e kokës ishte shumë i thellë.
Ariela Murati, studente e vitit të 3 për Drejtësi në Tiranë ishte e lidhur prej 4 vitesh me Aldison Belulajn që studionte për Infermieri, të dy nga Fieri. Ndërsa së fundmi Ariela kishte ndërruar edhe numrin e telefonit, por kjo duket se ka nervozuar të riun fierak, i cili vrau ish të dashurën, ndërsa plagosi më pas edhe veten
Refuzimi i Ariela Muratit bëri që Belulaj ta qëllonte me tre plumba para Fakultetit te Mjekësisë para 7 ditësh, teksa vajza ishte e shoqëruar me motrën dhe me kushërirën e saj.
21-vjeçarja humbi jetën në vend, pasi mori një plumb në kokë, një në krah dhe një në këmbë. Aldison Belulaj më pas tentoi që t’i jepte fund edhe jetës së tij, por mbeti i plagosur rëndë, ndërsa sot ndërroi jetë në spital.
