Pas përfundimit të protestës, qytetarët dhe politikanët janë larguar nga bulevardi “Dëshmorët e Kombit”, ndërsa shishet e ujit, cigaret, letra apo pankartat kanë mbetur përballë godinës së kryeministrisë.
Gjatë kohës së protestës qarkullimi i automjeteve ishte ndaluar në rrugët që të çonin drejt kryeministrisë apo bulevardit, pasi opozita kishte marrë leje për organizimin e saj.
Protesta ishte paralajmëruar se do të jetë më rezistente, por me mbarimin e fjalimeve në podiumin e ngritur para kryeministrisë, protestuesit janë shpërndarë të qetë dhe pa shkaktuar asnjë incident.Në përfundimin e protestës të gjithë u larguan, ndërsa ata që qëndruan më gjatë në bulevard ishin materialet e përdoruara nga protestuesit.
Ndërkohë Ministria e Brendshme ka falënderuar qytetarët për sjelljen korrekte, ndërsa kryetarët e partive opozitare kanë shprehur përgëzimet ndaj qytetarëve në llogaritë personale në Facebook.
