Kreu i PD-së, Lulzim Basha u është drejtuar sot shqiptarëve me një thirrje të fortë nga foltorja e Kuvendit për të qenë të gjithë bashkë, në protestën e 27- Janarit, para Kryeministrisë.
Ndërsa më tej, gjatë fjalës së tij Basha është shprehur se Rama ndihet më i qetë kur është pranë kriminelëve sesa kur është pranë familjes së tij.
“Doja shumë në këtë sallë të flisja për investime por në vend investime nuk ka, investitorët janë përzënë me dajak nga banditët e Ramës për t’iu rrëmbyer pronat, kapitalin që janë zëvendësuar duke filluar Emiliano Shullazi tek Lul Berisha, me qëllim pasurimin e Edi Ramës. E vetmja luftë politike këtu është pasurimi i Edi Ramës me të gjithë ata që janë ulur këtu pas mije. E vetmja industri që ofron vende pune këtu në Shqipëri është industria e krimit. Shqipëria po falimenton. Kriminelët dhe banditët e lënë rrugëve po luftojë për të larë hesapet. Vrasjet e fundit kanë mbërthyer vendin. Nga kjo rrugë pa krye nuk mund të na nxjerrë njeriu që na solli këtu. Harrojeni që një njeri që e mbushi politikën me kriminelë të na shpëtojë. Ky është një njeri që në mes të kriminele ndihet më mirë se në mes të familje së tij. Ky është një njeri i babëzitur për para dhe pushtet, dhe Edi Rama do të mbetët ai që është”, tha Basha.
Ndërsa më tej vijoi “Dua t’i siguroj sot të gjithë, nëse ne bëhemi mijëra në sheshet e Shqipërisë e keqja do të largohet. E vetmja alternativë përballë një qeverisje të keqe është forca e njerëzve që bëhen bashkë për të mirën, për lirinë, për dinjitetin, për të ardhmen. Ndaj unë ju ftoj sot, ejani të shtunën në orën 12.00 dhe deklaroin refuzimin tuaj, jonë tuaj, distancimin tuaj, mospranimin e të keqes. ejani pasnesër më 27 janar, ngrijeni zërin tuaj për ccdo hall që ju ka mbërthyer”.
“Nëse duam punë, duhet të ngrihemi e të kërkojmë një qeveri që punon për punësimin, nëse do të heshtim dhe të qëndrojmë në shtëpi, do të vazhdojmë të jemi të tallur, të shpërfillur dhe të braktisur…Unë dua t’i siguroj sot të gjithë nëse ne bëhemi mijëra, në sheshet e Shqipërisë, e keqja do të largohet. Nuk ka asnjë alternativë tjetër, e vetmja alternativë përballë një qeverie të keqe, të inkriminuar dhe të korruptuar është forca e njerëzve që bëhen bashkë. Ndaj unë ju ftoj sot, të gjithëve pa përjashtim, ejani të shtunën në orën 12 dhe deklaroni refuzimin tuaj, jo-në tuaj, distancimin tuaj, bashkohuni me qindra mijëra qytetarë të tjerë të diktojmë me bashkimin më të madh fundin e qeverisë së paligjshme, fundin e kryeministrit narko-trafikant, për t’i hapur rrugë një qeverie të ligjshme anti-mafia, një qeverie anti-varfëri, të Reformës në Drejtësi.”
Basha tha se asnjë qeveri nuk i ka rezistuar dhe nuk mund t’i rezistojë popullit të bashkuar.
“Asnjë qeveri nuk i ka rezistuar popullit të bashkuar, asnjë qeveri, asnjë aleancë me krimin, sado e korruptuar, nuk do t’i rezistojë dot bashkimit të njerëzve të ndershëm”, tha Basha.
