Zonja e Parë Melania Trump nuk do të shoqërojë Presidentin Donald Trump, në Davos të Zvicrës. Ky vendim i Zonjës së Parë, sipas Dalymail vjen pas publikimit të lajmeve se burri i saj ka pasur një marrëdhënie me një aktore filmash për të rritur.
Zonja e Parë kishte thënë fillimisht se ajo do ta shoqëronte presidentin dhe grupin e sekretarëve të kabinetit në Davosi, gjatë mbledhjes vjetore të miliarderëve, industrialistëve dhe investitorëve.
“U përcaktua se kishte një axhendë shumë të ngjeshur, kështu që zonja Trump nuk do të udhëtojë për në Davos”, tha zëdhënësja e saj, Stephanie Grisham, për DailyMail.com.
CNN raportoi se zonja e parë kishte planifikuar të shkonte dhe më pas anulloi udhëtimin.
Lajmi vjen pasi Presidenti Trump duket të bëjë paraqitjen e tij të parë publike që nga mbyllja e qeverisë – një periudhë që përfshinte edhe raporte të shumta në lidhje me pretendimet nga ylli i filmave të rritur Stormy Daniels se ajo kishte pasur një lidhje me Donald Trump në 2006.
Wall Street Journal raportoi se avokati i Trump Michael Cohen pagoi 130,000 dollarë për Clifford, një javë para zgjedhjeve, për të arritur një marrëveshje që të mos flitej për marrëdhënien seksuale mes Trump dhe pornostares. TIRANA TODAY