Katër persona kanë rënë në pranga, pasi morën pjesë dje në një protestë në Verri të Fierit, ku kundërshtuan ndërtimin e Impiantit të Trajtimit të Mbetjeve në Fier.
Madje, siç edhe u raportua ditën e djeshme, mes banorëve dhe policisë ka pasur edhe përplasje, teksa kjo e fundit ka ushtruar forcë mbi qytetarët që protestonin.
Por, tashmë me një arsye absurde, policia ka arrestuar katër persona që morën dje në protestën të cilën ajo e quan të paligjshme, me justifikimin se kanë bllokuar qarkullimin rrugor.
Dhe kjo vetëm sepse banorët e Verrisë kundërshtojnë ndërtimin e impiantit, i cili do të shkatërrojë jetën e banorëve që jetojnë afër zonës, pasi ndotja do të jetë shumë e lartë.
Ky koncesion zë fill në një procedurë prokurimi të shpallur në 13.07.2016, ndërsa autoriteti kontraktues për këtë koncesioni është Ministria e Mjedisit me afat 6-vjeçar-shkruan Tirana Today.
Por, në tentativë për t’u mbyllur gojën banorëve, tashmë policia ka marrë një tjetër masë, që është arrestimi i tyre, si për të paraprirë shmangien e ndonjë proteste tjetër.
Në pranga kanë rënë shtetasit:
1.Aleksandër Bita, 52 vjeç.
2.Eridjon Janji, 32 vjeç.
3.Bledjon Bita, 43 vjeç.
4.Zylyftar Delibashi, 67 vjeç.
“Arrestimi i këtyre shtetasve u bë pasi në datën 22.01.2017, në orën 14:00, në kufirin ndarës midis fshatrave Verri dhe Kallm i Madh, kanë marrë pjesë në një protestë të paligjshme, kanë kundërshtuar punonjësit e policisë së rendit publik dhe kanë penguar qarkullimin e mjeteve të transportit”, njofton policia.
Duket se pengimi i qarkullimit të mjeteve rrugore është çështje më e rëndësishme për shtetin, se helmimi i banorëve të kësaj zone. TIRANA TODAY
LEXO EDHE: DOKUMENTI/RAMA FIRMOSI HELMIMIN E BANORËVE TË VERRISË
