Pas shumë kërkesave të naftëtarëve dhe pas shumë protestash të tyre për mos marrjen e pagave, kryeministri i Edi Rama ka zhvilluar një telekonferencë.
Kryeministri Edi Rama deklaroi se i qëndron premtimit të bërë, dhe se privatizimin e ARMOS e quajti akt kriminal.
“Privatizimi i Armos ishte kriminal. Nuk po i kthehem privatizimit për të lënë topin jashtë fushës tonë. Por operacioni jonë doli me sukses dhe dikush vdiq. Ajo ç’ka ne morëm ishte një i vdekur që duhej të ringjallej. Pronari i ARMOS është banda nuk është shtetit. Në duam të bëjmë çmos që të nxisim investitorët e mundshme për ta ri ngritur. Ju thoni që gjendja teknike është e mirë, por sipas parametrave të sigurisë nuk është dhe aq e mirë. Elementët e tjerë që përmendet jam dakord me ju, qendra shëndetësore, nënstacioni elektrikë dhe uji, janë pjesë e atij privatizimi kriminal. Jemi në një sistem ku e drejta e pronës, e ka ai që është pronari. Unë i qëndroj të gjitha premtimeve që kam dhënë. Ajo rafineri është dizajnuar për naftën, qysh në gjenezë është projektuar për të shfrytëzuar atë burim”, deklaroi Rama para naftëtarëve.
