Chelsea e nis vitin me një fitore të thellë dhe bindëse. Dy gola në çdo pjesë, kanë mjaftuar që skuadra e Contes të thyej ekipin e Bringhton në fushën e këtyre të fundit. Edhe pse mungonte sulmuesi kryesor, spanjolli Alvaro Morata, londinezët kanë arritur ta zhbllokojnë ndeshjen që në minutën e 3’ me Hazard dhe për ta dyfishuar më pas me Willian.
Hazard duket si i ringjallur, shënon golin e dytë personal dhe të tretin për Chelsea në minutën e 77’. Ndërsa goli i 4 është shënuar në fundin e takimit me Moses. Me këtë fitore Blutë e Londrës kanë arritur në kuotën e 50 pikëve, po aq sa mbanë edhe Manchester United që renditen në vendin e dytë.
