Itali/Aksidentohet 20-vjeçarja shqiptare, si shpëtoi nëna e 3 fëmijëve

Një shqiptare 20-vjeçare  është plagosur rëndë gjatë ditës së sotme pasi është përfshirë në një aksident me makinë në qytetin e Trevit. Mësohet se shqiptarja është nëna e 3 fëmijëve, ndërsa është përplasur  duke drejtuar makinën e saj të tipit “Ford”.Sakaq, e reja shqiptare është përplasur me një pemë anës rrugës, ndërsa në momentin e përplasjes  një makinë shëndetësore ka kaluar aty pranë dhe ka lajmëruar menjëherë policinë dhe ambulancën.Policia dhe shërbimi i ambulancës ka mbërritur në vendngjarje. Ndërsa mësohet se gruaja ka pësuar fraktura në pjesën e legenit. Ndërkohë nuk jepen informacione të tjera në lidhje me identitetin e shqiptares dhe shkaqet e ngjarjes.