Opozita “e madhe” ka sulmuar sërish sot kryeministrin Rama, të cilin e akuzon se po përdor të sëmurët për të bërë shfaqje.
Kështu, është Albana Vokshi nga radhët e PD-së dhe Petrit Vasili nga LSI-ja ata që kanë reaguar me anë të postimeve në Facebook, ku e sulmojnë Ramën se po bën propagandë, duke iu referuar vizitës së tij në onkologjik.
“E ndërsa Rama bërtet se po bën shtet, ku është shteti për të sëmurët me kancer? Nuk kemi parë gjë akoma. Prisni shfaqjen e përgatitur me të sëmurët në onkologjik sot”, shkruan ndër të tjera Vokshi, ndërsa Vasili e sulmon teksa shkruan se “kryeministri po përdor shëndetin e fëmijëve për ca ditë të qelbura pushtet më shumë”.
