Viti 2022 është akoma shumë larg, por pamjet që janë shfaqur kanë ngjallur shumë interes. Momentalisht vëmendja është drejt Rusisë, pasi në verë do të organizohet Kupa e Botës, por ajo që mund të thuhet me bindje të plotë është se, eksperienca arabe e verës së vitit 2022 nuk duhet humbur për asnjë arsye.
Janë publikuar planet përrallore të stadiumeve që do të ndërtohen në Katar të cilat janë të magjishme. Fotot dhe përshkrimi do t’iu lenë pa fjalë:
1- Al Bayt Stadium (Al Khor) Një stadium me një strukturë si tendë gjigante që do të mbulojë të gjithë kapacitetin prej 60 mijë spektatorësh. Katet e sipërme do të hiqen pas Kupës së Botës dhe do t’u jepen kombeve në zhvillim, që kanë nevojë për zgjerim kapacitetesh në stadiumet e tyre.
2- Al Rayyan Stadium (Al Rayyan) Ky stadium me një kapacitet prej 40 mijë spektatorësh do të inkorporojë simbolet e kulturës katariote në dizenjon e tij. Arena do të ngrihet duke përdorur praktikat tejet miqësore ambientale të ndërtimit.
3- Al Thumama Stadium (Doha) Dizajni i këtij stadiumi prej 40 mijë vendesh përfaqëson “gahfiya”-n, apo kapelën tradicionale të mbajtur nga meshkujt anembanë botës arabe. Një hotel-butik do të zëvendësojë katet e sipërme të tij pas turneut të vitit 2022.
4- Khalifa International Stadium (Doha) I ndërtuar fillimisht në vitin 1976, ky stadium me kapacitet 40 mijë spektatorë është rinovuar dhe rihapur qysh përpara turneut. Ashtu si dhe me të gjitha terrenet e tjera sportive të Botërorit të 2022-shit, teknologjitë e avancuara të ftohjes do të garantojnë temperatura të rehatshme për futbollistët dhe fansat.
5- Lusail Iconic Stadium (Lusail) I gjithë qyteti i Lusailit është aktualisht në proces krijimi, ndërsa stadiumi i tij me kapacitet 80 mijë vetë do të presë finalen e Kupës së Botës 2022. Dizenjoja përfundimtare e këtij stadiumi nuk është bërë ende publike, por vetëm disa konceptidesh të krijuara fillimisht.
6- Qatar Foundation Stadium (Doha) Peizazhi rreth stadiumit prej 40 mijë vendesh është mbushur me universitetet më të shquara, ku janë zhvilluar edhe hulumtimet më të fundit. Kapaciteti i arenës do të reduktohet në 25 mijë pas Botërorit, me 15 mijë vendet e tepërta që do t’iu dhurohen stadiumeve në vendet në zhvillim.
7- Ras Abu Aboud Stadium (Doha) I konstruktuar duke përdorur kontejnerë transporti, ky stadium me kapacitet për 40 mijë spektatorë do të rrëzohet nga themelet dhe do të përshtatet për të tjera qëllime pas Kupës së Botës. Vendndodhja e stadiumit do të kthehet më pas në një shëtitore buzë detit, për t’u shijuar nga banorët lokalë.
8- Al Wakrah Stadium (Al Wakrah) Pajisjet e përdorura në këtë stadium prej 40 mijë vendesh janë shkolla, një sallë dasmash, fusha tenisi, parkete baskebolli, restorante, një pishinë, mjedise palestre dhe qendra tregtare
