Kryeministri Edi Rama i ftuar në emisionin “Tonight’ nga Ilva Tare, ka komentuar zgjedhjet në FSHF dhe është distancuar sërish nga përfshirja e tij në këto zgjedhje. Ai ka mohuar edhe ndërhyrjen në bashkitë përkatëse, për të ndihmuar me votë kandidatin që është edhe deputet i PS-së. Po ashtu ka hedhur poshtë edhe aludimet për një m,mbështetje të Partizanit, për faktin që vëllai i tij Olsi Rama është në rolin e drejtorit sportiv.
“Nuk kam asnjë arsye që un të përfshihem në këto zgjedhje. Padyshim që FSHF është një institucion mjaft i rëndësishëm, por personalisht ndjek vetëm kombëtaren dhe janë të vetmit që më tërheqin të shkoj në stadium. Pavarësisht kush janë kandidatët kjo nuk është puna e qeverisë, ata duhet të konkurrojnë me njëri tjetrin dhe të fitojë platforma më e mirë. Nuk kam asnjë interes për asnjë nga ekipet e kampionatit shqiptar, është vëllai im që është pjesë e Partizanit dhe ai di tu dali vetë zot punëve që merr përsipër. Të them të drejtën shumë rrallë kam qenë në një stadium për të ndjekur ndeshjet e kampionatit dhe me zor kam pritur që të mbarojë të largohem,” u shpreh Rama.
Por fjala përmbyllëse e kryeministrit Rama lë vend për diskutim, pasi shprehet që futbolli shqiptarë nuk i pëlqen dhe ndjek vetëm kombëtaren. Kjo të bën të besosh se futbolli ka shumë probleme në Shqipëri dhe ndoshta do të duhet një ndërhyrje, një ndryshim për të sjellë një frymë të re.
