Kthjellime të shkurtra dhe vranësira të shpeshta dominojnë kushtet e motit duke gjeneruar reshje të përkohshme shiu e dëbore në pjesën më të madhe të vendit. Pasditja vijon me alternime kthjellimesh dhe vranësira të herë pas hershme në territor, por reshje të pakta priten në zona të izoluara në Veri dhe Qendër.
Sipas MeteoAlb, temperaturat e ajrit do të rriten me 2 gradë në të dy ekstremumet termike të ditës duke luhatur vlerat e tyre nga -2 deri në 14 gradë C.
Era do fryjë e lehtë dhe mesatare me shpejtësi 28 km/h nga jugperëndimi duke krijuar në det dallgëzim 2 ballë.
