Kreu i grupit parlamentar të Lëvizjes Socialiste për Integrim, Petrit Vasili thotë se kryeministri Edi Rama bashkohet me vendet e lindjes për interesat e tij personale të trafiqeve dhe pastrimit të parave. Me anë të një statusi në rrjetin social “Facebook”, Vasili shkruan se Rama po zbaton një skenar të fshehtë për ta përdorur si alibi për të nxjerrë Shqipërinë nga Evropa. Ai thekson se ky skenar është sponsorizuar në një shtet të lindjes pas zgjedhjeve të vitit 2017.
Vasili thotë se Rama me të tjerë zbatojnë një skenar të fshehtë të pagëzuar “integrimi i pamundur”. Nënkryetari LSI-së shpjegon se ambicia e Ramës është vijimi i operacioneve të mëdha të pastrimit të parave që vijnë edhe nga lindja, por dhe krijimi i tensionimit artificial politik, bllokimi i reformës në drejtësi përmes delegjitimimit të saj janë shtyllat e skenarit “integrimi i pamundur”
Ndërkohë më parë kryeministri Edi Rama ka kërkuar nga BE që t’i hapë “derën” Ballkanit Perëndimor, gjatë një fjalimi të mbajtur në Samitin “Western Balkans at a Crossroads”, organizuar nga Friends of Europe në Bruksel. Ndërsa në të kundërt sipas tij Rusia, Kina dhe Turqia janë të gatshëm t’i afrojnë këto vende, kah vetja e tyre (lajmin e plotë lexoje këtu).
“Nuk jam shumë dakord apo tërësisht me miken tonë këtu që përmendi Turqinë, Rusinë, Kinën si vende që s’kanë ç’të ofrojnë. Po, po, kanë shumë të ofrojnë. Rusia për shembull ka një rrugë shumë të lehtë për të ofruar. Harroni shtetin e së drejtës, harroni institucionet, mbaje pushtetin për gjithë jetën dhe nuk është pa interes”, tha Rama.
Ndërsa i pranishëm atje në Samit, Rama ka ndjerë mungesën e homologëve të tij serbë, dhe është shprehur se në momentin kur nuk ka përfaqësues nga ana e Serbisë vij unë dhe i përfaqësoj, dhe në momentin që ata kanë ndonjë punë, më përfaqësojnë ata mua.
“Me sa informacion kam miqtë tanë serbë nuk janë të pranishëm këtu, sepse ne tashmë jemi në pikën ku delegojmë procesin tonë të pajtimit kur jemi në konferencë. Pra, kur ata janë të zënë vij unë dhe kur unë jam i zënë vijnë ata. Kështu funksionon. Por, nuk kam ndonjë informacion se ndonjë prej vendeve të rajonit po i bie derës se ne duam që të bëhemi anëtarë tani. Për, çfarë po flasim, po flasim për negociatë”, shtoi Rama (lajmin e plotë lexoje këtu).
Statusi i plotë i Petrit Vasilit
Kryeministri e te tjere (…) skenar te fshehte te pagezuar ” integrimi i pamundur”, si alibi per te nxjere Shqiperine nga Evropa.
Kryeministri po zbaton nje skenar te fshehte te pagezuar “integrimi i pamundur”.
Ky skenar i cili eshte ideuar dhe sponsorizuar ne nje shtet te te rendesishem te lindjes pas zgjedhjeve te qershorit 2017, me objektivin e ndertimit te alibise, qe do ta lejoje kryeministrin te legjitimoje bashkepunimin per operacione politiko-financiare okulte me shtete te vendosura fort kundra bllokut te BE.
Krijimi i tensionimit artificial politik,bllokimi i reformes ne drejtesi permes delegjitimimit te saj,vijimi i operacioneve te medha te pastrimit te parave qe vijne edhe nga lindja…ishin shtyllat e skenarit “integrimi i pamundur”
Kjo kishte synim qe duke pamundesuar ecjen e integrimit europian te pengohet dhe evitohet syri i “bezdisshem” i europianeve ne transaksionet e medha financiare me qellim pastrimin masiv te parase se trafiqeve dhe asaj te lindjes…dhe te nxjerrjes se valutes jashte vendit.
