Një shqiptar është treguar mjaft i sinqertë me policinë italiane, kur kjoe fundit e ka kapur mat duke transportuar drogë me vlerë 350 mijë euro. 38-vjeçari shqiptar me iniciale A.V. u kap në Valdarno me të paktën 70 kilogramë lëndë narkotike në makinë mbrëmjen e djeshme.
Ai kishte fshehur në bordin e makinës një sasi droge me vlerë 350 mijë euro fitime nëse do ta shiste në tregun me pakicë.
Por, plani i është prishur shqiptarit, teksa policia në Fiorentino kishte marrë informacione se një person me kombësi shqiptare që banonte në krahinën e Firences kishte vizituar Italinë e Jugut me një makinë të errët “Renault Koleos” për të marrë një sasi të konsiderueshme droge e destinuar për në tregun e provincës.
Kështu, gjatë gjithë ditës së të premtes, kishte patrullime në rrugët kryesore që të çonin në Firence. Pasdite vonë, në rrjetën e tyre ra automjeti i kërkuar, i përdorur për transportin e drogës.
Policia ushtroi kontrollin e automjetit, ndërsa shoferi me sinqeritet pranoi paraprakisht se po transportonte drogës. Në bagazhin e pasmë, ka qenë e fshehur me një pëlhurë katër pako të mbështjellja me celofon, pesha totale e të cilës ishte 70 kg.
