“Ju mund të punësoni një vrasës me pagesë me lehtësi, në bazë të një kontrate”, kjo sipas autorit skocez Peter May, ishte një faqe webi shqiptare të cilën ai e gjeti gjatë hulumtimit për librin e tij më të ri. Shkrimtari ka shkruan në librin e tij për këtë faqe duke e njohur me emrin “web-i errët”. Ai ka pasur bisedime dhe takime të shumta me persona që njohin botën e krimit por gjithashtu ka bërë dhe kërkime në internet për librin e tij të fundit të titulluar “I’ll Keep You Safe”, shkruan Tirana Today. 
Peter May, është autori më i shitur i librave që kanë tematikë krimin. Ai është 66 vjeç, me origjinë nga Glasgou, i cili çdo gjë e shikon me detaj dhe mund të themi pa mëdyshje se në librat e tij mund të gjejmë të dhëna të sakta. Ai ka zbuluar shumë informacione që deri më tani kanë qenë mister.
Ish-gazetari tha: “Ju doni të dini se ajo që paraqes është absolutisht e saktë. Unë kam bërë hulumtime dhe kam mbledhur fakte të vërteta. Mendoj se është e rëndësishme që lexuesi të kenë besim dhe të besojnë”, shkruan Tirana Today.
Librat e tij janë botuar në 30 vende, ku janë shitur miliona kopje nëpër botë. Por, libri i tij i fundit të çon në një udhëtim me botën penale kriminale.
“Hyrja në rrjetën e errët ishte shumë e lehtë. Ju mund të shkoni në internet dhe të shkarkoni shfletues që ju dërgon në ndonjë web të errët. Duket shumë e keqe, por aty jeni vetëm ju dhe kompjuteri juaj. Isha ulur dhe po hulumtoja në faqet e internetit ku mund të blija shërbime të paligjshme me Bitcoin, monedha online untraceable, raporton dailyrecord.co.uk. 
“Ishte një botë që ishte krejtësisht e re për mua. Është ekuivalenti online i ecjes nëpër shtigje dhe të çon në ndonjë qytet të huaja i cili është i “vdekur” gjatë natës. Isha gjithmonë i lumtur kur hyja nëpër ato faqe dhe gjeja informacion”, thotë autori.
Por, Pjetri tha se ai gjeti një faqe interneti mafioze shqiptare e cila i përcaktoi shërbimet e saj mjaft qartë – megjithëse nuk ishte i sigurt nëse ajo ishte e vërtetë.
“Ajo më tha: Nëse doni të vrisni dikë ose të rrahin ndonjë, ju mund të punësoni një vrasës kundrejt kontratës me lehtësi. Shumica janë tregtarët e drogës, por ata bëjnë vrasje dhe për kontratën nuk duhet të paguash”. Në librin e tij të fundit, ai gjithashtu ka hulumtuar një teknologji të re forenzike, ku teknika të reja u lejojnë hetuesve që ta bëjnë punën më me lehtësi. TIRANA TODAY
