Me miratimin e reformës në drejtësi, qytetarëve u është dhënë mundësia që të denoncojnë gjyqtarët dhe prokurorët e korruptuar. Institucioni që është ngritur për këto denoncime Komisioni i Pavarur i Kualifikimit(KPK). Gjatë vitit 2017 në institucionin janë depozituar 334 ankesa dhe 30 gjatë ditëve të para të vitit 2018.
Por thuajse të gjitha këto ankesa janë nuk dhe të pa vlefshme për këtë institucion. KPK konstaton, ndër të tjerash, se nuk janë depozituar nga qytetarët prova dhe fakte konkrete lidhur me subjektet që do ti nënshtrohen vettingut, por bëhet fjalë për ankesa ndaj vendimeve të cilësuara prej tyre si të padrejta nga ana e sistemit të drejtësisë.
Duke marrë shkas nga kjo situatë, Komiteti Shqiptar i Helsinkit risjell në vëmendje të të gjithë të interesuarve se ofrojmë ndihmë ligjore profesionale çdo qytetari që dëshiron ti drejtohet organeve të vettingut. Stafi i Komitetit të Helsinkit me anë të ndihmës ligjore synojmë të orientojmë në mënyrë të drejtë çdo qytetar që kërkon ti drejtohet organeve të vettingut, nëse ka dijeni për rrethana apo fakte konkrete që mund të përbëjnë prova për gjyqtarë/prokurorë.
Faktet dhe rrethanat që mund të përbëjnë prova mund të jenë të ndryshme të tilla si dokumente, fotografi, filmime, procesverbale të seancave gjyqësore të mbajtura ose jo me audio, sende të luajtshme apo të paluajtshme të cilat janë në pronësi të gjyqtarëve/prokurorëve (apo familjarëve dhe të njohurve të tyre), thënie të dëshmitarëve, etj.
