Autoritet e tre shteteve prej dy ditësh kishin vënë në ndjekje në gomone, ku operacioni i tyre më në fund është finalizuar me sukses në Mal të ZI.
Operacioni u koordinua mes policisë së e tre shteteve në ujërat mes Shqipërisë, Italisë dhe Malit të Zi.
Ndërsa Policia Shqiptare konfirmon, se autoritet malazeze kanë arritur të kapin gomonen me tre malazezë në bord. Pasditen e së shtunës, përveç gomones që i shpëtoi ndjekjes është arritur të kapet edhe një gomone tjetër, e cila po e furnizonte me karburant.
Ndërsa mesditën e një ditë më para, mjeti lundrues u lokalizuar në Sazan, por arriti të “zhduket” pas disa orë ndjekje nga roja bregdetare shqiptare dhe “Guardia di Finanza”. Për kapjen e saj u kërkua edhe ndihma e anijes Oriku si dhe u ngrit në fluturim një helikopter “Cougar” i ushtrisë.
Pas ndjekjes disa orëshe në det të hapur trafikantët dyshohet se i janë drejtuar ujërave territoriale midis Malit të Zi dhe Kroacisë.
Sipas policisë ne pamjet filmike të realizuara nga helikopteri, në bordin e gomones 3 metra të gjatë ishin tre persona dhe disa bidona plastikë.
Mjeti lundrues dyshohet se do ngarkohej me lëndë narkotike në Karaburun me qëllim trafikimin drejt Italisë.
Gjatë kontrolleve të kryera nga policia në këtë zonë u gjetën të fshehura mes shkëmbinjve edhe disa pako me rreth 28 kg kanabis.
