Në ditën kur gazeta “Rilindja Demokratike” ka mbushur ditëlindjen e saj të 27-t, ish-kruyeministri me anë të një postimi në rrejtin social Facebook ka uruar këtë ditë të madhe për historinë e shtypin demokratik në vend.
Vetë Berisha duke sjellë në kujtesë botimin e parë të RD-së, kur shumë njerëz ishin vënë në radhë për të marrë një kopje, ndërsa ai kujton edhe editorialin hapës të saj i titulluar “E para është fjala”.
Pa harrur edhe kontribuuesit e Rilindjes Demokratike prej kohësh, ai shkoi më tej duke e quajtur këtë gazetë si zëdhënësen e të vërtetave të mëdha të shoqërisë shqiptare. Ai thotë se RD-ja vjen si një organ i së vërtetës për shqiptarët dhe Shqipërinë në këtë përvjetor të 27-të.
Postimi i ish-kryeministri Sali Berisha:
Sot 27 vjetori i botimit të “Rilindjes Demokratike”, gazetës së parë opozitare në Shqipëri! Të dashur miq, si sot 27 vite më parë një grup intelektualësh, gazetarësh, studentësh botuan numrin e parë të gazetës së parë opozitare “Rilindjes Demokratike”, si organ i Partisë Demokratike dhe mendimit opozitar shqiptar. Vendimi për botimin e saj ishte njëri nga vendimet më të para të Partisë Demokratike. Regjimi u përpoq por pa sukses t’a pengonte botimin e saj.
Numrin e parë të saj shumë e shumë qytetarë e priten me padurim me një natë të bardhe, pra zbardhën natën për të siguruar një kopje të saj, e cila hapej me një editorial të pavdekshëm të redaksisë “E para është fjala!”
Me shpejtësi të rrufeshme gazeta, si organ i të vërtetës aktuale dhe asaj të ndaluar dhe mohuar, pushtoi mendjet dhe zemrat e shqiptarëve. “Rilindja Demokratike” vjen në këtë përvjetor si organi i lirë i shtypit të shkruar, organ i të vërtetës.
Me këtë rast le të shprehim nderimin tonë më të madh për të gjithë ata intelektualë, publicistë, gazetarë, studentë, redaktore, kryeredaktorë dhe drejtorë që themeluan gazetën e parë opozitare të vendit, që e drejtuan dhe shndërruan atë, qe nga numeri i parë e deri në numrin e sotëm, në zëdhënëse të të vërtetave të mëdha të shoqërisë shqiptare! Gëzuar!! sb.
