Martesa e Princit Harry me Meghan Markle, pritet që të mbahet në maj. Por autoritet janë të shqetësuar dhe që tani po bëjnë kërkesë për parandalimin e ndonjë sulmi gjatë ceremonisë së dasmës mbretërore, shkruan sputniknews.com.
Sipas Simon Dudley, të gjithë lypësi dhe personat e pambrojtur që qëndrojnë në rrugë, mund te jënë një kërcënim për të pasurit dhe rrezikojnë sigurinë e dasmës mbretërore.
Udhëheqësi i Bashkisë Mbretërore të Windsor dhe Maidenhead i bëri thirrje policisë lokale që të marrë masa për të ndaluar “lypjen agresive” përpara dasmës së Princit Harry në maj.
“Unë shkruaj për shqetësimet e mia në lidhje me reagimin e policisë ndaj sjelljeve anti-sociale, duke përfshirë lypjen dhe kërcënimin agresiv në Windsor,” shkroi Dudley në një letër drejtuar Antoni Stansfeld, komisionari i policisë dhe krimit.
Ai shtoi se: “lypësit grumbullohen nëpër trotuare, dhe askush nuk i mbikëqyrur” përbënin një kërcënim për sigurinë.
“Natyrisht, niveli i interesit turistik do të shumëfishohet me martesën mbretërore në maj të vitit 2018 dhe ka shqetësime të shumta nga banorët tanë për sigurinë e tyre,” shkroi ai.
Dudley bëri thirrje për një reagim urgjent ndaj çështjes nga policia, duke theksuar se do të “merrte kohë të konsiderueshme, duke u shtrirë edhe përtej dasmës mbretërore”.
“Kërkoj që t’i jepni vëmendje të menjëhershme çështjeve që përballet Windsor dhe të siguroj të gjitha burimet e nevojshme financiare dhe njerëzore për të mbrojtur banorët, bizneset dhe vizitorët tanë lokalë,” shkroi ai në një letër të datës 2 janar.
Princi Harry, 33 vjeç, do të martohet me 36 vjeçaren Meghan Markle, më 19 maj në kishën e Shën Gjergjit në Windsor Castle. TIRANA TODAY
