Vrasja me thikë e një shqiptari pak ditë me parë në Itali ende është e mbuluar me mister. Por policia po punon për gjetjen e mjetit, si dhe për të kuptuar nëse ka pasur ndonjë bashkëpunëtor me autorin e ngjarjes.
I arrestuari i autor i krimit të rëndë është Gianluca Mazzarelli, nga Puglia, 26-vjaç, i cili sulmoi me thikë për vdekje 31-vjeçarin shqiptar Ervin Tola. Krimi erdhi si rezultat i një sherri të dhunshëm, që pati një fund tragjik, shkruan piacenza24.eu.
26 -vjeçari u dorëzua disa orë pas krimit selinë e policisë, por ende mbeten disa pika të errëta brenda ngjarjes. Gjithashtu Mazzarelli refuzoi t’i përgjigjet gjyqtarit për hetime paraprake duke qëndruar i heshtur.
Pika e parë ka të bëjë me armën e ftohtë që u përdor nga autori: autopsia e kryer në trupin e viktimës, jo vetëm që konfirmoi vdekjen nga qëllimi me thikë, por vërtetoi gjithashtu se Tola ishte goditur tre herë para se të vdiste. Por, ende nuk është zbuluar thika që u përdor për vrasjen e të riut. Edhe pse policia ka bërë një sërë kontrollesh thika ende nuk është gjetur.
Pika e dytë, për të thënë kështu, është e panjohur: Si viktima po ashtu dhe agresori ishin në shoqëri të miqve mbrëmjen e tragjedisë. Policia po përpiqet të kuptojë nëse ndonjë prej këtyre mund të ketë luajtur një rol të madh në luftën që arrti në vrasje. TIRANA TODAY
