Një aksident i rëndë me pasojë vdekjen, ka ndodhur pak më parë në autostradën Tetovë-Gostivar, ku një person ka gjetur vdekjen e menjëhershme ndërsa 6 të tjerë janë plagosur rëndë.Ngjarja e rëndë është shënuar pak çaste më parë në autostradën Tetovë-Gostivar. Nga të dhënat e para bëhet me dije se në mesin e të plagosurve ka edhe fëmijë të mitur.
Në aksident janë përfshirë dy makina, ndërsa pjesë e përplasjes ka qenë edhe një qytetarë, i cili kishte zbritur për të ndihmuar të plagosuri, por më pas është përplasur nga një makinë, e cila po lëvizte me shpejtësi të madhe.Sakaq, tre plagosuri janë dërguar menjëherë në qendrën spitalore në Tetovë, por për shka të plagëve të rënda, shërbimi i këtij spitali i ka dërguar të plagosurit drejt spitalit të Shkupit për mjekim të specializuar, për shkak të gjendjes së rëndë shëndetësore.
Autostrada Tetovë-Gostivar është bllokuar tërësisht në drejtim të Gostivarit deri në momentin që mbërritur policia duke kryer ekspertizën e parë dhe më pas qarkullimi ka filluar vetëm me një korsi. Ende nuk dihen shkaqet e këtij aksidenti të rëndë, ndërkohë që policia po kryen hetimet në vendngjarje.
Gjashtë të aksidentuarit janë nga fshati Urvic i komunës së Bogovinës, ndërsa i moshuari që kishte dalë për të ndihmuar të lënduarit është nga fshati Kamjan, po ashtu pjesë e komunës së Bogovinës.
