Pas shkarkimit të prokurores Rovena Gashi, e cila ishte në krye të Drejtorisë së Marrëdhënieve Juridiksionale me Jashtë, kryeprokurorja Arta Marku ka bërë ndryshimin e dytë në institucionin që drejton.Informacioni nga Prokuroria
Prokurori i Përgjithshëm, znj. Arta Marku firmosi vendimin për caktimin e prokurorit Dritan Rreshka në pozicionin e përkohshëm të Drejtuesit të Prokurorisë së Rrethit Gjyqësor Tiranë.
Ndërkohë, drejtuesi i deritanishëm i Prokurorisë së Tiranës, Petrit Fusha, do të vijojë
komandimin si prokuror sektori, i ngarkuar per çështje të veçanta, pranë Prokurorisë së
kryeqytetit.
Pak ditë më parë, Prokurori i Përgjithshëm, znj. Arta Marku, ka komanduar në pozicionin e
Drejtorit të Kabinetit, znj. Alketa Zifla, e cila ushtronte funksionet e prokurorit pranë Prokurorisë së Rrethit Gjyqësor, Tiranë.
Në mesditë ajo ka shkuar në Prokurorinë e Tiranës për prezantimin e kreut të ri të prokurorisë.