Pas vendimit të kryetarit të Aleancës për Shqiptarët, Ziadin Sela për tu larguar nga qeveria e kryeministrit Zoran Zaev, ndjehen dhe lëvizjet e para. Zëvendësministrat dhe zyrtarët e tjerë nga radhët partisë së Selës kanë njoftuar se sot kanë dhënë dorëheqjet e tyre në qeveri. Bëhet fjalë për tre zv/ministra dhe një sekretar shtetëror dhe tetë drejtorë.
Elmi Aziri nga Aleanca për Shqiptarët ka deklaruar sot se ky hap është bërë në vazhdën e vendimit për t’u larguar nga ekzekutivi i vendit, shkruan Shenja.
Ai ka thënë se Aleanca ka pasur gjithmonë bllokadë për të realizuar plotësimin e pozicioneve nëpër institucione të cilat i kanë takuar partisë sipas marrëveshjeve për krijimin e qeverisë.
