Si çdo fundvit, ashtu siç tashmë është bërë traditë, Partia Socialiste e Tiranës ka festuar festat e fundvitit.
Të pranishëm kanë qenë disa nga deputetët e PS-së, si Taulant Balla, Vasilika Hysi, Ogerta Manastirliu, Elona Gjebrea, Ulsi Manja, Fatmir Xhafaj dhe kryebashkiaku Veliaj.
Megjithatë, ajo që u vu re ishte mungesa e deputetit Saimir Tahirit, siç edhe duket në fotot e publikuara nga BalkanWeb.
Ky i fundit tashmë është deputet i lirë, megjithatë duket se Partia Socialiste e ka distancuar atë pas përfshirjes së emrit në tij në dosjen e Habilajve.
Ndonëse dje Tahiri doli fitimtar nga një betejë tjetër me drejtësinë duke rimarrë pasaportën dhe kartën e identitetit dhe duke rrëzuar vendimin e shkallës së parë që e ndalonte të dilte jashtë shtetit, ai nuk e ka parë të arsyeshme të jetë mes socialistëve, megjithëse udhëhoqi garën për PS-në në Tiranë.
Pas daljes së akuzave dhe përfshirjes, sipas prokurorisë, në dosjen Habilaj, kryeministri Edi Rama tha se Tahiri nuk do të jetë më pjesë e grupit të PS dhe as e forumeve drejtuesve të Partisë Socialiste.
Dje ish-ministri Tahiri uroi festat e fundvitit pas daljes nga gjykata, por nuk e përmendi më frazën se do të fliste së shpejti.
