Harry Kane ka shënuar tregolëshin më të rëndësishëm të karrierës, pasi është bërë golashënuesi më i mirë në historinë e Tottenham. Në përballjen me Southampton në “Wembley”, sulmuesi anglez shkroi dhe historinë duke thyer dy rekorde. Vetëm gjatë 2017-ës ka arritur shifrën e 38 golave ne Premier League. I menjëhershëm ishte reagimi i Alan Shearer në Twitter. Ish-sulmuesi anglez, që mbarte rekordin me 36 gola brenda një viti kalendarik, ka postuar këtë mesazh.
“Zhvillove një 2017 fantastike Harry Kane. E ke merituar rekordin e golashënuesit më të mirë të Premier League-s në një vit kalendarik. Të lumtë dhe vazhdo të punosh!”
Kane la pas gjithashtu edhe Lionel Messin me 55 gola në total gjatë këtij viti, ndërkohë që “ylli” i Barçës u ndal në 54 finalizime me rrjetën i që i realizoi Realit në El Clasico.
