Harrojini për një moment princ William me dukeshën Kate, apo Meghan Markle me princ Harry-in për të cilët është folur kaq shumë muajt e fundit dhe le të ndalemi pak tek familja mbretërore shqiptare. Në këtë atmosferë festash, princ Leka dhe Elia Zaharia na kanë bërë një dhuratë shumë të bukur.
Fotoja e tyre zyrtare për festat e fundvitit është padyshim ajo që na duhej në këto ditë të ftohta dimri: një përqafim shumë i ngohtë në sfondin e nje peme të zbukuruar, të veshur kuqezi me ngjyrat e flamurit, fytyra të qeshura që rrezatojnë shumë dashurinë.
Fotoja është postuar nga vetë Elia në rrjetet sociale, bashkangjitur së cilës ka përcjellë edhe një mesazh shumë të rëndësishëm.
“Princ Leka dhe unë ju urojmë Gezuar Festat e Fundvitit! Kjo është koha e dhurimit dhe përkujdesit ndaj njerëzve të dashur. Është koha të falenderojmë të gjithë ata miq që kanë treguar miqësi dhe besnikëri të pakushtëzuar. Kjo është gjithashtu koha për të kthyer vemendjen ndaj atyre që nuk kanë fatin të kenë familjen pranë, fëmijë pa prindër apo prindër pa fëmijë, atyre që nuk kanë çfarë të vënë në sofër për të festuar…Kjo është koha për tu ndërgjegjësuar se dashuria që japim na kthehet dyfish kur është e sinqertë! Nëse do të jeni në udhëtim bëni kujdes nga ngricat dhe bora, merrni kohën tuaj dhe shijoni çdo moment! Besimtarëve të krishterë u urojmë Gezuar Krishtlindjen! Ju urojmë të gjithëve sa më shumë mbarësi dhe dashuri!, shkruan Elia.
