Kryetarja e LSI-së, Monika Kryemadhi është pyetur në Byronë e Kuvendit, teksa pritet të merret vendimi për përjashtimin e 7 deputetëve të opozitës për kaosin dhe dhunën në Kuvend gjatë votimit të kryeprokurores.
Sigurisht, një nga momentet më kulminant ka qenë momenti kur kryetarja e LSI-së e ja goditur me çizme kryeministrin Rama.
Gjatë mbledhjes së Byrosë, ajo u pyet nga deputeti socialist nëse e cilëson shkelje këtë veprim. Por, Kryemadhi nuk është “lëkundur’ nga qëndrimi i saj, teksa ashtu si në media, u përgjigj se ky veprim është në mbrojtje të Kushtetutës, si dhe ka thënë edhe njëherë gjithë formulën e betimit dhe më pas ka lënë sallën dhe ka dalë jashtë.
Të njëjtin qëndrim Kryemadhi e mbajti edhe pasi ka lënë Byronë e Kuvendit, teksa foli para mediave:
“Deputetët kanë bërë një hetim për zbatimin e kushtetutës. Veprimi im ka qenë legjitim, për mosshkeljen e kushtetutës, është një kushtetutë që i ka kushtuar shumë popullit shqiptar, për të cilën është folur dhe abuzuar shumë dhe sot ka ardhur dita që ajo të zbatohet. Për sa i përket çizmes, siç e theksova në sallën e byrosë, mund të them që çizmja është simboli paralajmërimi për këtë vend të drogës. Nuk kam për t’u ndalur sepse shqiptarët e kanë vendosur në mes të Parisit dhe jo më në Shqipëri.
Nuk më shqetëson Shqipëria, më shqetësojnë shqiptarët e varfër, sepse sa më të varfër aq më lehtë shtypen nga Edi Rama. Është problem i jashtëzakonshëm droga që ka pushtuar shkollat 9-vjeçare dhe gjimnazet. Luftë kundër drogës dhe atyre që duan ti kthejnë fëmijët në spaçatorë.”
E pyetur nëse sjellja në protestën e fundit ndikon në integrimin e Shqipërisë në BE, Kryemadhi tha se përgjegjës është vetë Rama, i cili sipas saj, nuk dëshiron të ngrihet Këshilli i Lartë i Prokurorisë, pasi ka frikë nga drejtësia.
“Statusin për hapjen e negociatave, njeriu kryesor që e ka shkatërruar është Edi Rama, ai ka sabotuar Reformën në Drejtësi. Nuk do që të ngrihet Byroja e Hetimit, KLP. Ka frikë nga drejtësia vetëm Edi Rama. Frika e tij e madhe është KLP’, përfundoi Kryemadhi. TIRANA TODAY
