Disa këmbësorë, duke përfshirë një fëmijë, janë plagosur pasi një automjet hyri mes turmës së njerëzve. Ngjarja ka ndodhur mëngjesin e sotëm në Melbourne të Australisë.
Të paktën 12 persona po marrin ndihmë mjekësore, ndërsa një person është dërguar në spital në gjendje të rëndë, raporton Tirana Today.
Një dëshmitar okular tha se automjeti eci me shpejtësi drejt turmës, duke i hedhur njerëzit tutje.
“Dëgjuam ulërima, njerëzit po vraponin kudo”, tha dëshmitari. Videoja tregon disa këmbësorë të lënduar, të cilët po marrin ndihmën e shpejtë nga dëshmitarët, ndërsa presin mjekët.
Një fëmijë pësoi lëndime në kokë dhe u dërgua në Spitalin Mbretëror të Fëmijëve, në gjendje të rëndë. Policia tha se shoferi i makinës dhe një tjetër person janë arrestuar.
Dëshmitarët thanë se automjeti po ecte me rreth 60 km/h shpejtësi, duke “fluturuar” mesatarisht 5 në 7 persona.
