Deputeti i Partisë demokratike, Tritan Shehu tha se Rama “goditi” Berishën për t’i dhënë mesazh deputetëve të mazhorancës. I ftuar në emisionin “Arena” në Ora News, Shehu tha se në atë seancë ndodhi uzurpimi i prokurorit të përgjithshëm. Shehu deklaroi se ndodhi për herë të parë një shkelje e rëndë e Kushtetutës, një puç institucional.
“Ndodh për herë të parë, shumë gjëra. Ndodhi uzurpimi i prokurorit të përgjithshëm. Ndodhi për herë të parë një shkelje e rëndë e Kushtetutës. Ndodhi një puç institucional. Nëpërmjet goditjes që ju bë Berishës të jepte një paralajmërim jo vetëm për deputetët e opozitës por edhe të mazhorancës. Risia në atë seancë dhe sinjali i alarmit ishte pikërisht ajo që ndodhi me ata ushtarë Forcave të Armatosura,” deklaroi Shehu.
Situata në Parlament, ditën e votimit për kryeprokuroren, Arta Markut, është tensionuar teksa Berisha i është drejtuar foltores, ku ka ndërhyrë menjëherë Garda duke mos e lejuar atë të shkojë në foltore. Në këtë moment Noka ka ndërhyrë, duke u përplasur me forcat e Gardës. Madje, në një moment, Garda shtyn ish-kryeministrin Sali Berisha, siç duket në videon e mëposhtme.
