Një i ri shqiptar, vetëm 22-vjeçar po lufton për jetën në një spital në Itali, pasi u qëllua me thikë dhe ndodhet në gjendje tepër kritike.
Mediat italiane raportojnë se shqiptari B.A., u ther me thikë pranë stacionit në Diano Marina. Ai ka plagë shumë të thellë në shpatullën e majtë dhe u dërgua në spital, sipas mjekëve në gjendje shumë të rëndë.
Thuhet se ai është përfshirë në një sherr, për të cilin policia nuk ka ende detaje. Por thuhet se dëshmitare kanë parë ngjarjen dhe kanë dhënë informacionet e para për policinë pas të cilave, karabinierët kanë nisur kërkimet.
