Në Beograd u zhvillua derbi mes Partizanit dhe Crvena Zvezdas, ku ishin të ftuar edhe Olsi Rama me Gaz Demin nga presidenti i ekipit të Partizanit. Ndeshja nuk ka shkuar si ishte programuar, pasi ka degjeneruar dhuna në stadium dhe është ndërprerë për disa minuta.
Në sektorin e tifozëve të Partizanit ka pasur një sherr masiv mes tifozëve, ku fillimisht u mendua se aty ishin futur disa tifozë të Zvezdas. Por më pas u hodh poshtë kjo pistë dhe akoma nuk dihet se tifozë të kujt kanë qenë ata tifozë që u dhunuan brutalisht.
Kjo skenë ka zgjatur për disa minuta, pasi ndërhyrja e policisë bëri që të qetësohet situata. Por deri në atë moment ishin gjakosur disa tifozë dhe policë, kjo ka bërë që disa prej tyre të përfundojnë në spital. Ndërsa një pjesë e madhe e tifozëve është arrestuar dhe mund të dënohen për huliganizmin e treguar në stadium. Ndeshja ka përfunduar me rezultat të barabartë 1-1.
