Serbia tejkalon sjelljen e saj kontroverse ndaj Shqipërisë. Beogradi ka vendosur të japë 100 mijë euro ndihmë për të përballuar situatën e pas përmbytjeve që përfshin ditët e fundit vendin tonë.
Ky vendim është marrë përgjatë mbledhjes së qeverisë serbe. Ndërsa shuma e dhuruar kundrejt vendit tonë synon të rikuperojë dëmet që kanë shkaktuar përmbytjet.
Gjithashtu, ndihma synon të shkojë edhe në drejtim për të ringritur bizneset e prekura nga përmbytjet si dhe për vetë familjarët e prekur nga situata e ditëve të fundit.
Vendi u përfshi nga një valë e madhe përmbytjeve për disa ditë rresht duke dëmtuar biznese të shumta, kryesisht në zonat e jugut të vendit. Ndërsa nxori në “shesh” investimet e dobëta të qeverisë në mbrojtjen ndaj situatave të tilla, ku shembulli ekzemplar ishte përmbytja e autostradës Tiranë-Durrës.
