Shteti i Serbisë po shqyrton mundësinë për të rishikuar raportin e reciprocitetit në raportet diplomatike me Shqipërinë, pasi sipas tyre, Shqipëria ka treguar “ftohtësi” në këtë drejtim dhe kjo është koha për të reaguar dhe përgjigjur politikës së Shqipërisë.
“Sa i përket rajonit, thuhet se përfaqësuesit diplomatikë në Shqipëri dhe Mal të Zi i kanë trajtur “ftohtë” ambasadorët serbë”, shkruan gazeta serbe.
Shteti i Serbisë po konsideron futjen e “ndryshimeve serioze” kur bëhet fjalë për kontaktet që ambasadorët e huaj kanë me ministrin e jashtëm të vendit, Ivica Daçiç.Gazeta e përditshme “Vecernje Novosti” ka raportuar këtë informacion në lidhje me qendrimet ndaj ambasadorëve të vendeve tjera. Sipas saj, po shikohet nga shteti i Serbisë parimi i reciprocitetit mes diplomacisë së saj dhe ambasadorëve të vendeve të tjera dhe takimet e pritjes.
Kjo sipas medias serbe, po shqyrtohet për të lejuar vetëm ata ambasadorë që vijnë nga vendet ku të dërguarit e Serbisë, janë pritur dhe takuar nga ministrat e tyre të huaj, pra po kërkohet që të kenë të njejtin trajtim dhe reciprocitet të përbashkët mes vendeve.Sa i përket të dhënave të ministrisë së Jashtme, thuhet se nga 69 ambasadorët e Serbisë nëpër botë, 24 prej tyre nuk janë pranuar nga ministri i Jashtëm i vendeve pritëse dhe sipas tyre, kjo është shqetësuese.
Vendet që kanë pritur ambasadorët serbë janë; Italia, Belgjika, Hollanda, Austria, Finlanda, Britania e Madhe, Danimarka, Spanja, Portugalia, Franca dhe Gjermania.Me përjashtin kur ata kanë dorëzuar kredencialet e tyre, ambasadorët serbë në ShBA, Turqi, Indi, Indonezi, Japoni, Korenë e Jugut, Kina, Eniratete e Bashkuara Arabe, Kenia, Etiopia janë treguar me një standart të dyfishtë.
Mundësia për të vënë frenat në mikpritjes diplomatike e Serbisë doli në pah pas një incidenti të fundit të shkaktuar nga ambasadori ukrainas Oleksandr Aleksandrovych, i cili për herë të parë bëri deklarata të papërshtatshme në lidhje me politikën e jashtme të Serbisë.
Daçiç në atë kohë u përgjigj duke thënë se ambasadori i Serbisë në Kiev, pavarësisht se nuk ka bërë komente të papërshtatshme për vendin pritës, ka të njëjtin trajtim edhe në shtetin e Ukrainës. TIRANA TODAY
